Aukera asko zeuden Liga Nazionalerako igoera gaur ziurtatzeko baina ez da posible izan: Bergarak 4-3 galdu du Ariznabarren aurka. Puntu bakarra behar zuten mahoneroek baina, gogotik saiatu arren, ezin izan dute; 3-0 galtzen joan arren, 3-2 jarri dira eta 4-3 galtzen joanda ere, izan dituzte pare bat aukera berdinketa lortzeko. UDAren aurkako azken partiduen erabakiko da dena, hurrengo asteburuan; puntu bakarra nahikoa zaie bergararrei historiara pasatzeko.
Iñaki Mardaras entrenatzaileak aitortu du penaz geratu direla gaur bertan igoera lortu ez izanagatik: "Ondo sartu gara partiduan baina eurek asmatu egin dute eta guk ez. Erreakzionatzeko gaitasuna erakutsi dugu baina berdinketatik gertuen geundenean sartu digute gola. Pena bat izan da, baina oraindik ere aukera asko ditugu mailaz igo eta historia egiteko".
Bergarak puntu bakarra behar du igoera ziurtatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
