Eguraldi kaskarrari aurre egin behar izan diote Bergarara gerturatu diren txaranga ezberdinek. Izan ere, bigarren urtez antolatu dute Txaranga Eguna herri mahoneroan, kaleko bizitza berreskuratzeko asmoz. Estilo ezberdinetako txarangak ibili dira kaleetan zehar, baina euriaren eraginez, aterpeetan babestu behar izan dira pieza ezberdinak jotzeko.
Goizean Arabako Gesaltza fanfarrea, Donostiako Tximeletak txaranga eta Ermuko Irulitxa fanfarrea ibili dira.
Arratsaldean, Bergarako Bandako txarangaren txanda izango da, eta ostean, Rockalean eta Brincadeira arituko dira kalea girotzen.