Goizean hasi eta gauera bitartean ibiliko dira izaera eta estilo ezberdinetako sei txaranga Bergarako kaleetan zehar. Oraindik ibilbideak zehaztu gabe badaude ere, herriko txoko ezberdinak girotuko dituzte musikariek. Udalaren hitzetan, neguaren nagiak astintzeko eta herrikideekin, lagunekin eta senitartekoekin egoteko parada emango du.
Tximeletak, Irulitxa txaranga eta Gesaltza fanfarrea 11:30etik 14:30era bitartean arituko dira herria alaitzen. Arratsaldean, berriz, seietan, Bergarako Musika Eskolako txaranga aterako da kalera; eta, ordubete beranduago Bincadeira eta Rockalean. Azken hirurak 21:00ak arte alaituko dituzte herriko kaleak.
