Gazteok Artolarekin ekimena egin zuten atzo iluntzean Arranon. Bergarako gazteek EH Bilduko alkategai den Gorka Artola izan zuten aurrean, eta hari galderak egiteko aukera izan zuten. Artolarekin batera izan ziren hainbat zerrendakide: Aitor Narbaiza, Maitane Arteaga, Eider Usobiaga eta Andoni Moñux.
Aurrez kutxetan jaso zituzten gazteen galderak, eta galdera horiek erantzuten ibili ziren, ordubete inguruan, EH Bilduko zerrendakideak. Gainera, han zeuden herritarrak ere animatu ziren eta aukera aprobetxatu zuten kezka duten gaien inguruan Artolari galdetzeko.
