Urtarrilaren 9a ezkero itxita eta obretan egon ostean bihar, maiatzak 5, irekiko dute Bergarako Masterreka kalea. Hasiera baten exekuzio-epea sei hilabetekoa bazen ere, lau hilabete eta erdi pasatxo behar izan dute kalea berritu eta bertako irisgarritasuna nabarmen hobetzeko. Kalea irekitzen denean 2021eko abendura, Zubieta kalea berritu aurreko egoerara, itzuliko da herri barruko zirkulazioa.
Udaleko ordezkariek adierazi dutenez, Masterreka itxita izateak saihesbide moduan erabili diren herri barruko kaleetan ez dira espero besteko kalteak izan, eta herri barruko zirkulazio berriak espero baino hobeto funtzionatu du.
Obrak Pentekoste jaien aurretik bukatuta, txosnagunea Bideberriko gunera itzuliko dela baieztatu dute Udalak eta Xaxauk.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
