Apirilaren 21ean heldu zen zinema aretoetara Estibaliz Urresola zuzendari laudiotarraren 20.000 especies de abejas filma eta domekan, astelehenean nahiz eguaztenean Bergarako Seminarixoan izango da ikusgai; azken horretan, gainera, zuzendaria bertan izango da filmaren inguruko xehetasunak kontatzeko. Hiru egunetako sarrerak Seminarixoko webgunean eros daitezke.
Estreinatu aurretik arrakasta handia lortu duen filma da; izan ere, Berlinalen bi sari eskuratu zituen eta horietako bat izan zen Sofia Otero neskato protagonistak irabazitako antzezpen onenaren Zilarrezko Hartza. Malagako Zinema Jaialdian ere, film onenaren Urrezko Biznaga jaso zuen lanak, eta Patricia Lopez Arnaizek antzeztaldeko emakumezko aktore onenaren saria eskuratu zuen. Otero eta Lopez Arnaizez aparte, aktore zerrendan daude Ane Gabarain, Itziar Lazkano, Sara Cozar edota Martxelo Rubio, besteak beste.
