Bergarako EAJk apirilaren 26an aurkeztuko du maiatzaren 28ko udal hauteskundeetarako zerrenda, Munibe plazan (19:00). "Entzute-ariketa" egiten aritu dira herritarrekin, eta ariketa hori datorren astean amaituko dute. Ekitaldian egongo dira Gipuzkoako diputatu nagusi izateko hautagai Eider Mendoza eta Deba-Urola barrutiko zerrendaburu Maria Eugenia Arrizabalaga.
"Ekimena borobiltzeko asmoz, datozen urteetan Bergararen alde lan egiteko prest dauden jeltzaleen zerrendaren aurkezpena egingo dugu; Mikel Lete Txintxurreta alkategaiak aurkeztuko ditu alboan izango dituen herritarrak", gaineratu dute.
Bestalde, posta bidezko botoa tramitatzeko bulegoa martxan dute batzokian; astelehenetik egubakoitzera, 11:30etik 13:00etara eta 18:00etatik 20:00etara. Eskaerak egiteko azken eguna izango da maiatzaren 18a (943 76 47 00 edo 645 72 27 08).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
