Apirilaren 28an pintxo potea egingo dute seminarioko karpan, 19:00etatik 21:00etara eta ondoren musika jarriko dute 00:30ak arte. Apirilaren 29an, berriz, goizean alebinen eta benjaminen arteko partiduak eta saskibaloiaren bueltako askotariko jolasak egongo dira, betiere umeendako. Ondoren, Euskal Parrilla enpresari esker bazkaltzeko aukera egongo da. Arratsaldean, berriz, hiruko txapelketak egongo dira eta gau partean berriro jarriko dute musika, 00:30ak arte. Goizean eta arratsaldean zehar puzgarriak egongo dira.
Bergarako Saskibaloi Sailak garagardo azoka antolatu du lehen aldiz, apirilaren 28an eta 29an, seminarioko karpan; hamar garagardo mota dastatzeko aukera egongo da. Apirilaren 29an, gainera, saskibaloia izango da protagonista goiz eta arratsalde eta puzgarririk ez da faltako. Jatekoa, Euskal Parrilla enpresak jarriko du, hilaren 29an.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak