Bergaran, Donostian, Lezon eta Durangon egin dituzte atxiloketak; operazioa oraindik zabalik dago eta Ertzaintzak ikertzen jarraitzen du.
Reale Arena estadioaren inguruan
2023ko martxoaren 16an gertatu ziren istiluak, Realaren eta Erromaren arteko Europa Ligako partidaren aurreko orduetan. Ertzaintzak jakinarazitakoaren arabera, Erromako taldearen zaleen autobusak futbol-estadiora inguratzen ari zirenean, hainbat pertsonak desordena publikoak sortu zituzten, eta, besteak beste, objektuak eta bengalak bota zizkieten jarraitzaile italiarren autobusei eta segurtasuneko polizia-dispositiboa osatzen zuten ertzainei.
Atxilotuak Ertzaintzaren egoitzara eraman dituzte polizia-eginbideekin jarraitzeko, eta, horiek amaitzean, Donostiako Guardiako Epaitegiaren eskuetan jarriko dituzte.
Ertzaintzak babestuta autobusen konboia pasatzen ari zenean, galtzada-harriak, harriak, estolda-tapa bat eta era guztietako objektuak bota zizkieten. Istiluetan bertan hiru gizon, –19 urteko bat eta 31 urteko bi–, atxilotu zituzten desordena publikoak eta agintaritzaren agenteen aurkako atentatua leporatuta.
