Berener Koop S. erabiltzaile kooperatiban bazkidetzeko 100 euroko ekarpena egin behar dute norbanakoek; eta eragileek, 200ekoa. Ordainketa bakarra da eta ez dago urteko kuotaren aukerarik. Kooperatiba, martxoaren 10an, hogei kide sustatzaileren artean eratu zuten; herritarrez osatutako talde motorra da, eta sarri elkartu eta lanean aritu dira.
Bazkidetza horrek kooperatiba aurrerago eramaten lagunduko du, eta helburuak betetzen lagundu:
-Trantsizio energetikoa bultzatzea.
-Herritarrak ahalduntzea.
-Burujabetzaren bidean urratsak egitea.
-Pobrezia energetikoari aurre egitea.
Bazkidetzeko aukerak
Erramu-zapatuan bazkidetza-kanpaina abiatu zuten eta 67 herritarrek erakutsi zuten bazkide izateko interesa. Helburu nagusia da ekainerako 250 bazkide izatea.
Helburu hori lortzeko bidean, honako data hauetan bazkidetzeko postuak jarriko dituzte.
-Apirilaren 20an, 19:00-20:30, Irala kalean.
-Apirilaren 26an, 18:00-19:00, Ehunduren bulegoan
-Maiatzaren 17an, 18:30-19:30, San Joxepen
-Maiatzaren 18an, 19:00-20:30, Irala kalean.