Unai Ormaetxea eta Iñaki Plaza txirrindulariak aritu ziren lasterketan Bolintxo-Lana taldearen ordezkaritzat, eta, Edurne Ormaetxea, Itxaso Plaza eta Itxaso Askasibar, Igamotik. 28 kilometroko zirkuituari bi buelta eman behar izan zizkioten parte hartzaileek, eta, Plazak, hirugarren egin zuen emakumezkoetan.
Datozen hitzorduak
Domekan, apirilaren 16an, Bolintxo-Lana taldeko mutilek Eibarren izango dute lasterketan, eta 68 kilometroko ibilbidea egin beharko dute. Igamoko neskek, berriz, Lea Artibai Txallengea (Bizkaia) izango dute egubakoitzetik domekara bitartean. Lehen etapan erlojupekoa egingo dute, Lekeition; bigarrenean, Markina-Xemeinen; eta azkenik, Berriatuan.
Horrez gainera, Igmo Packing taldeak txirrindulariak aurkeztuko ditu. Kadeteen mailan Itsaso Askasibar, Arantxa Anduaga eta Maddi Oleaga izango dira; jubeniletan, Edurne Ormaetxea eta Itxaso Plaza; eta, elitean, Eneritz Urrutia.
