Bergarako Udalaren webgunean eman behar da izena, maiatzaren 12a baino lehen, eta adin txikikoen gurasoen edo legezko ordezkarien baimena bete beharko dute. Udalak jakinarazi duenez, antolakuntzak gehieneko parte-hartzaile kopurua jarriko du eta onarpena izen-ematearen ordenaren arabera egingo da.
Adierazi dutenez, eskalatzaileek norbere katu-oinak eta eskalatzeko behar duten material pertsonala eraman beharko dituzte; ahal dutenek, koltxoneta ere bai. Azkenik, antolakuntzak aseguru bat egingo die topagunerako izen ematea behar bezala egin duten eta onartuak izan diren guztiei.