Amaitzear dira Arrizuriaga Jauregian kokatuko diren kultura proiektu berriko eta emakumeen txokoko lehen faseko lanak. Udaletik adierazi dutenez, obra horiekin eraikina sendotu dute. Horretaz gain, fatxadan hainbat lan egin dira, inguratzaile osoan ere bai eta barruko espazioa, solairu bakoitzeko, "espazio diafano bihurtuko da".
Gainera, aurreratu dute Seminarixoko patioaren alboko udal jabegoko gimnasioaren estalkia konpontzeko lanak "laster" hasiko direla. Adierazi dutenez, Biark Studio SLP arkitektura enpresak idatzi du proiektu teknikoa eta horri jarraituz lanak egiteko lizitazio prozesua zabalik dago. Aurrekontua 77.172 eurokoa da, BEZa barne.
Azkenik, Errotalde jauregi ondoko zalditegia zenean ere lanak egingo dituzte eta hileta zibilak egiteko gunea jarriko dute, "herriko beste kokaleku batzuekin batera". Denboralearen eta eraikinaren egoera "txarraren" ondorioz, hainbat teila erori dira eta zenbait teila kendu egin behar izan ziren iaz. Eraberritze lan hau egiteko proposamenak aurkezteko epea amaitu berri da eta, BEZa barne, 208.349 euroko aurrekontua du.