Pilota txapelketan izena eman daiteke Bergarako Arranon, Antzuolako Aitz Garbi tabernan eta Elgetako Haizea tabernan. Argibide gehiago: 688 86 66 61 edo bergaraherripilota@gmail.com. Hasiera baten, martxoaren 19ra arte emango dute izena emateko aukera; txapelketa apirilaren 3an hasiko litzateke, eta finala maiatzaren 20an, betiere izena ematen duten bikoteen arabera.
Maiatzerako ekitaldiak
Era berean, ildo politikoari dagokionez, iragarri dute maiatzerako hitzaldi edo solasaldi eta aurkezpen batzuk antolatuko dituztela: "Horrela, abertzaletasunaren ertz desberdinen inguruan ikasi eta hausnartzeko aukera edukiko dugu. Neoliberalismoak sortutako krisi kulturalak euskal gizarteko jendea hizkuntza komunitate gutxiagotu eta kulturalki menderatu baten parte izatera kondenatu du, beraz, nazio zapalkuntzan sakontzen du. Guk nazio pultsuaren lausotzearen aurrean, abertzaletasuna eta bere aldeko borroka inoiz baino beharrezkoa dela deritzogu, baina dinamikaren pretentsio nagusia, etorkizuneko euskal nazioaren oinarrien berriro eraikitzearen inguruan aritzea eta hausnartzea izango litzateke".
