Konpainiaren bigarren sorkuntza-proiektua da bihar eskainiko dutena, eta txalapartaren eta flamenkoaren arteko fusioa egiten dute artistek oholtza gainean ordu eta erdiko ikuskizunean. Konpainiaren hitzetan, euskal txalaparta bertso nahiz kantu eta flamenkoaren pasio, dantza eta doinuekin osatutako "binomio orekatua" da.
Askoa Etxebarrieta flamenko dantzaria, La Pulga, igoko da oholtzara eta ondoan izango ditu txalaparta jotzen Mikel Aveiro eta Aitor Korta, gitarra-jole Miguel Linares eta perkusioan Adrian Larrañaga. Musikari haien doinuei Eider Elorzak eta Angel Lopez de Torok jarriko diete ahotsa.
