Bergararren ekarpenak jasotzen ari da EAJko alkategai Mikel Lete, hauteskunde programa osatzeko

Jokin Bereziartua Lizarazu 2023ko mar. 8a, 16:48
Mikel Lete, EAJko beste kide batzuekin. Argazkia: Bergarako EAJ.

EAJko alkategai Mikel Lete herriko "hainbat" elkarterekin egon da haien proposamenak jasotzeko: "Oso aberasgarria izaten ari da, eta ildo horretan jarraitu nahi dugu bergararrengana hurbiltzen, haiek entzuten eta haien kezkak eta proposamenak gertutik ezagutzen".

Udal hauteskundeetarako programa "bergarar guztiekin" osatu nahi dutela adierazi du Letek: "Bergarar guztien proposamenak jaso nahi ditugu". EAJko Bergarako alkategaiak adierazi du "Bergarako herritarrek politika egiteko eta politikariekin harremanak izateko bide berriak" eskatzen dituztela eta erronka horri heldu nahi diotela: "Bergarako pertsona eta elkarteen ekarpenak jasotzen jarraitu nahi dugu. Ezinbestekoa da gure proposamenak udalerriko bazter guztietako errealitateak eta beharrak aintzat hartzea: Bergara anitza delako eta herritarrekin gobernatu nahi dugulako, eta ez herritarrari bizkarra emanez, guztiontzat gobernatu nahi dugu, ezberdinen arteko eskuzabaltasunetik eta elkar ulertzetik abiatuta, eta ez sektarismotik".

Leterekin harremanetan jartzeko moduak

Letek dio ekarpenak bertatik bertara jasotzeko "gogoz" dagoela: "Pertsonak erdigunean jarri nahi ditugu erabakiak hartzerakoan. Esperientziak erakutsi digu proiektu parte-hartzaileekin erakundeotan izan ditzakegun ideiak aberastu egiten direla". Bi modu zehaztu dituzte Leterekin harremanetan jartzeko: 688 73 52 88 telefono zenbakia –whatsapp mezuak barne– edo eajpnvbergara@gmail.com helbide elektronikoa. Telematikoki betetzeko inkestak ere atera dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak