Domeka arratsaldean, Maddi Barrical bergararrak eta Olatz Ruiz de Larramendik osatutako bikoteak, eskuz binakako Ados pilota txapelketa irabazi zuten Zumarragan. Barrocal eta Larramendi, Zabaleta eta Agirreren aurka neurtu ziren finalean eta 22-12 nagusitu ziren. Bergararrak sakea baliatuz min handia egin zion arerioari, sakez 7 puntu eginez.
Hasieratik nagusitu ziren markagailuan eta ez zioten aurkariari aukerarik eman. Barrocalen esperientzia horrelako partiduetan nabaritu egin zen, une garrantzitsuenetan guztiz erabakigarria izanik. Beste taldekoek ezin izan zuen erantzun, akats batzuen erruz, finala galdutzat emanez.
Hala, bigarren urtez irabazi du binakako txapelketa Barrocalek, oraingo honetan bikote berriarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.