Goiza, kadete mailako txirrindularien probekin hasi zen, eta Bergarako, Lokatzako taldeko kideek, postu duinetan amaitzea lortu zuten. Irteera postuan, taldeko lautik hiru debutariak ziren, eta hori kontuan izanda eta tranpaz betetako ibilbidean erorikoak eta ezbeharrak izan arren, lan bikaina egin zuten. Nabarmentzekoa da, Arantxa Anduaga, Itxaso Askasibar, Izar Ezkibel eta Maddi Oleagak lortutako hamabigarren postua taldeko sailkapenean,
Ondoren, elite mailako proban, Igamo Packaging taldean Ainhize Barrainkua izan zen etxeko taldea ordezkatu zuena. Aretxabaletakoak oso lasterketa ona egin zuen, 34. postuan helmugaratu zen baina aurrealdeko postuetan egin zuen lasterketa osoa. "UCI taldeetako ziklistez jositako lasterketan, Lokatza bezalako elkarte batentzat arrakasta izugarria izan zen".
Amaitzeko, junior proban bi ordezkari izan ziren, Itxaso Plaza eta Edurne Ormaetxea. Lasterketa buruko posizioak mantendu zituzten lasterketa osoan zehar, Plaza garaipenaren lehian ere egon zen. Ormaetxea ezin izan zen taldeko buruan sartu, lehiaketan izandako ezbehar baten ondorioz, erori egin zelako.
Datorren astean, martxoaren 12an, Euskaldun Txapelketaren denboraldi berria hasiko dute Atarrabian.
