"Otxoteen lana balioestea eta hain gurea den modalitatea bizirik mantentzea" izan da, besteak beste, Xabier Amenabar bergararraren helburua urte hauetan guztietan. 80 urterekin erretiroa hartzea erabaki du eta lagunez inguratuta eta kontzertu batekin izan da.
Kontzertua hasiera eman aurretik Amenabarrek egin zituen aurkezpen lanak, eta gogora ekarri zuen zer nolako garrantzia izan duten otxoteek eskualdean. "Lagunartea abesbatzako kide izandakoa naiz, Bergarako orfeoian ere ibili nintzen eta gero otxote bat egitea erabaki genuen. Orduan, Deba bailara mailako otxote lehiaketa bat egiten zen eta Bergaratik bi otxote joan ginen. Umore Onak otxoteak irabazi zuen eta gu gazteak –20 urte– azkenengo atera genuen. Baina esperientzia ona izan zen eta gogoan izan dute beti", azaldu zuen.
'Otxoteszena kantuz' emanaldia
Otxoteszena kantuz emanaldia dotore joan zen. Otxoteak askotariko modalitateetan entzuteko aukera izan zen. Otxote Lur Maitea (zuzendaria: Marian Urkiola) eta Jatorki Abots Zurian (zuzendaria Josean Llorente) aritu ziren bakarka zein batera. otxoteak aritu ziren bakarka zein batera.
Interpretazioan lagun izan zituzten Mikel Gaztañaga pianista, Arrate Fernandez Mesa akordeoi-jolea, eta Joseba Epalza biolinista.
Solistei dagokienean Alberto Nuñez tenorea eta Nerea eta Ainhoa Arregi sopranoak nabarmendu ziren.
