Ahotsak atarian azaldu zuenez, Osintxuko eskolan ikasi, delineatzaile titulua atera eta 14 urterekin hasi zen lanean Eibarko Txantoianeko Star pistola lantegian. Geroago Bergaran peoi moduan eta Algodoneran egin zuen lan. Soraluzen torlojugintzan eta kanoi lantegian ibili eta gero, torlojugintza tailerra eratu zuen bazkide batekin. Jubilatu arte jarraitu zuen bere tailerrean.
36ko gerran errepublikano eta abertzaleen aldean borrokatu zuen, Loiola batailoian. Talde hori Euzko Gudarosteko lehen batailoia izan zen; EAJko gazte gipuzkoarrek eratu zuten Gernikan, gerrak eztanda egin ostean. Batallón de Trabajadores-en zigortuta lan egin zuen 1940ko urtarrila arte.
Bergarako EAJk doluminak adierazi dizkie Ernabideren familia eta lagunei: "Gure bihotzetan betiko. Goian bego!".
😔Ignacio Ernabide Goyaga,Loiola batailoiko azken gudaria hil da Donostian,106 urterekin.Alkatetzan geundenean,egindako borroka eskertzeko omenaldia egin genion @Intxorta1937KE -rekin. Gure bihotzetan betiko. Doluminak familia eta lagunei. Goian bego! ✨
— EAJ PNV Bergara (@eajpnvbergara) February 9, 2023
📷Juan Ramon Garai Bengoa pic.twitter.com/R29RV7RIlA
