Bada, aurten, Izaskun Larrañaga Frias bergararrak jasoko du saria. Lacor-Ibili Taldeko kontseilari delegatua da, eta enpresaburuen saria eskuratuko du. Gainera, antolatzaileek nabarmendu dute hamabost urte baino gehiagoko lan esperientzia duela, eta hala nola estrategia lanak egin dituela merkataritzaren, marketinaren eta salmentaren arloan. "Aldi berean, merkatuak garatu ditu ingurune fisiko eta digitalean".
Otsailaren 23an izango da sari banaketa, eta alboan izango du Leire Etxetxikia ere. Hain justu, DHL Parcel Iberia enpresaren Espainiako eta Portugaleko Eragiketen Zuzendari Nagusia da, eta zuzendaritza eta profesional saria emango diote.
Elkarteak, beraz, gizarteari dei egin nahi izan dio "berdintasunean murgiltzeko", eta Gipuzkoan emakume enpresaburuek, zuzendariek eta profesionalek egindako lana aintzat hartzeko eta balioesteko.
