The Riff Truckers eta The Grace Of Dionysus taldeek kontzertua egingo dute, 22:30ean hasita, kartzela zaharrean, Egubakoitzak berreskuratzen ekimenaren barruan. Sarrerak zortzi euro balio du.
The Riff Truckers 2005ean Gernikan sortutako taldea da eta rock-and-roll, blues eta country estiloak uztartzen ditu. The Grace Of Dionysuseko hirukote zumaiarrak ere hainbat estilo nahasten ditu rock-and-rollarekin.
Hilean behin egiten den egitasmoa da eta egubakoitzetan kultura hitzordu bat proposatzea du helburu. Datorren hileko kontzertuak ere antolatuta daude eta, antolatzaileek adierazi dutenez, martxoaren 3an izango dira; hain zuzen ere, MICE –Miren Narbaizaren bakarkako proiektua– eta Azkoitiko Hartz taldea arituko dira.
