Urtarrilaren 29an Bergarako Seminarixoan egingo den ekitaldi baten aurkeztuko du Ndank Ndank elkarteak Bizipoza elkartearekin egindako bideoklipa. Egun bat lehenago izango da estreinaldia Hernanin, Bizipoza sarea osatzen duten beste hamar bideoklipekin batera.
Bergarako ekitaldian, bideokliparen proiekzioaz gain, Nicolas Sarr Bojanden kontzertu txikia egingo da, bideoklipeko abestiko abeslaritako bat. Horrez gain, Aroa Elortza bergararrak, Ndank Ndank eta Bizipoza elkartearen boluntarioak, Bizipozari buruz sortutako poesiekin egindako muntaia proiektatuko dute.
Ekitaldiarekin batera, elkarteak bazkide kanpaina jarriko du martxan. Elkartearekin kolaboratzeko interesa duenak 636 16 30 10 telefonora deituta edo erakundearen www.ndankndank.org webgunearen bidez egin dezake. Bazkide kuota desberdinak daude –60, 80 edo 100 euro urtean–, eta kide berriek opari berezi bat jasoko dute.
