Foru eta udal hauteskundeak egingo dira maiatzaren 28an, eta Bergarako EH Bildu martxan da, kanpainarako osatu duen boluntarioen sarea aurkeztuko baitu zapatuan, hilaren 21ean, San Martin plazan, 13:30ean.
Sarearen egitekoa kanpainako zereginetan laguntzea izango da eta, beraz, euren ereduarekin bat egin dezaketen herritarrei dei egin diete izena ematera. Horretarako, kanal bat jarri dute eskuragarri.
Ainhoa Lete bigarren hautagai
Gainera, EH Bildutik jakinarazi dute Ainhoa Lete gaur egungo Bergarako alkateordea izango dela bigarrena alderdiaren zerrendan, Gorka Artola egungo alkatearen alboan.
Hain justu, 2011tik dihardu udal jardunean lanean, eta egun hainbat batzordetako kide ere bada; hala nola, berdintasunaren, sustapen ekonomikoaren eta berrikuntzaren alorretan dabil lanean. Nabarmendu baitu udalgintza herrigintzatik ulertzen duela, "hurbilekoa, konprometitua eta eraginkorra" izango dena. Beraz, "erantzukizunez eta arduraz" onartu du eskaintza: "Bergaran bizi naiz eta ondo bizi nahi dut, nire ingurukoak eta gainerako bergara guztiak bezala. Nire aletxoa jartzen jarraitu nahi dut, ahalegin apala baina irmoa".
