Gau luzea izango dute gaurkoa Meltxorrek, Gasparrek eta Baltasarrek, baina lanari ekin aurretik Bergarako kaleetan barna ibili dira danbor-jotzaileek, pajeek, soldaduek eta zuzi-eramaileek lagunduta. Masterrekan hasi da Errege Magoen desfilea, eta udaletxera heldu direnean azken egunotan bertako postontzira botatako gutunak jaso ostean, San Martin Agirre plazan batutakoak agurtu dituzte txalo artean.
Bergararrek harrera beroa egin diete, eta horren adibide izan dira txikitxoenen ilusio aurpegiak. Trukean gozokiak banatu dituzte umeen, eta ez hain umeen, zoramenetako.
