Saioen helburu nagusia da gurasoei estrategia pertsonalak, emozionalak eta hezkuntzakoak bereganatzen laguntzea, familiako bizikidetasuna errazteko eta gurasotasun-eredu positiboak garatzeko.
Helburu nagusiari jarraiki, sei azpi-helburu zehaztu dituzte: aita-amen moduan autoestimua hobetu, hezkuntza-gaitasunaren sentimendua areagotuz; seme-alaben eta gurasoen emozio eta sentimenduetan eragina duten faktoreak ezagutu; guraso eta seme-alaben arteko loturak indartu, komunikazioa hobetu eta familiako gatazkak murriztu, entzute-gaitasunak, gatazken irtenbide positiboak eta negoziaziorako eta erabakiak hartzeko gaitasunak garatuz; garapen pertsonala modu eraginkorrean estimulatu; jarrera eta diziplina arazoak prebenitzen ikasi; eta, gurasoentzako erronka suposatzen duten arazoak prebenitzen eta konpontzen ikasi (drogen kontsumoa, eskola porrota, etab.).
Horretarako, sei gai landuko dituzte:
- Familiaren egitura: gurasoen hierarkia, azpisistemen arteko aliantza egokiak (aita-amen artean, seme-alaben artean)
- Komunikazioa: entzute aktiboa, desberdintasuna onartzeko gaitasuna...
- Gurasotasun positiboa: gurasoek ahaldundu
- Bizikidetasuna: bikotekideen arteko desberdintasunak egoki kudeatu, seme-alabengan ahalik eta gutxien eragiteko
- Lotura afektiboa: atxikimendua, lehentasunak, itxaropen zapuztuak, konfiantza galtzea...
- Familia ahalduntzea: hutsegite-sentimenduak edo antzekoak gainditzeko oinarri gisa.
Halaber, prebentzio sailak programako hartzaile motak ere zehaztu ditu; hala nola: seme-alaben heziketan zailtasunak dituzten familiak, familia-sistemak berak dituen zailtasunengatik (bi guraso daudenean eta horietako batek eragiten ez duenean; guraso bakarreko familiak; dibortzio edo banatze prozesu korapilatsua; bizitzako gertakari estresagarriak bizitzea…); gurasoek erabiltzen dituzten heziketa-ereduengatik; edo seme-alaben hainbat eratako arazoengatik (arazoak eskolako egokitzapenean edo errendimenduan, portaeran; drogen kontsumo goiztiarrak, etab.).
Saioak
6-10 pertsona arteko taldeak eratuko dira; baten, 3-11 urte bitarteko seme-alabak dituztenak; eta beste batean, 12-16 urte bitarteko seme-alabak dituztenak. Taldeak, Irizar jauregiko Euskaldun berri gelan elkartuko dira, 3-11 urte bitarteko taldea, 15:00-16:30; eta 12-16 urte bitartekoa, 18:00-19:30.
Familiek hamar saio burutuko dituzte, urtarrila eta ekaina arten, honako egutegiaren arabera: urtarrilak 17 eta 31; otsailak 7 eta 28; martxoak 14 eta 28; apirilak 18; maiatzak 2 eta 16; eta ekainak 6.
Izen-ematea
2023ko abenduaren 5era arte, Gizarte Zerbitzuetan (943 77 91 21 – ongizatea@bergara.eus)
