Egubakoitzean, arratsaldeko 20:00etan, egin zuten protesta San Martin plazan, Bergarako Xaxau konpartsak deialdia egin ostean. "Ezin gara isilik geratu! Bergaran ere Mozal Legeari ezetz esaten diogu; halako egoera gatazkatsuak herrian bideratzeko tresnak badaude, herritarren eta eragileen askatasunak eta eskubideak errespetatuta", azaldu dute.
"Izan Pentekosteetan edo izan sanmartinetan, aurten ere hori egiten saiatu gara, denontzat egitaraua antolatu eta txosnak ahalik eta luzaroen zabalik mantentzen. Horrek espero ez genituen ondorioak ekarri dizkigu. Bide hori irekita, Bergarako eragile sozial eta herritar guztiei ohartarazpena bidaltzen zaie, euren jarduera eta ekimena mugatu eta oztopatu nahian", adierazi dute.
