San Antonio auzoan Gabonen atarian ohikoa den Napar Feria egin dute gaur. Nafarroako produktuez gozatzeko aukera egon da, eta gainera, Bergarako zortzi elkartek pintxoak prestatzen lagundu dute. Antolatzaileek jarritako produktuekin egin dituzte pintxoa. Hauek izan dira parte hartzaileak: Madura, Lasai-toki, San Migel-pe, Sagarpe, Artatse, Umore ona, Altzasu eta Gure-Ametsa.
Azoka
Nafarroatik zuzenean ekarritako produktuak erosteko aukera egon da gaur San Antonion: hestekiak, gazta, txokolatea, kontserbak, eztia, gibel-orea... herritarrak gustura hartu dute produktu horiek erosteko aukera.
Umeendako ekintzak
Bergarako txistulari bandak eta Bergarako erraldoi txikiek kalejira egin dute; gaztetxoak gustura ibili dira erraldoi txikian aurrean. Zuzeneko musika ere jarri dute, euskarazko jotak, hain zuzen.