Labegaraietako kiroldegian jokatuko da Gabonetako hiruko saskibaloi txapelketa hilaren 30ean. Lau txapelketa antolatuko dituzte; kadeteena (2007an eta 2008an jaiotakoak), infantilena (2009an eta 2010ean jaiotakoak), alebinena (2011n eta 2012an) jaiotakoak eta benjaminena (2013an eta 2014an jaiotakoak). "Gogotsu gaude txapelketa jokatzeko eta saskibaloiaz disfrutatzeko, aurreko urtean COVID egoeraren ondorioz ez baitzen jokatu", azaldu dute Bergarako saskibaloi elkartetik.
Herrian kirola eta bide batez saskibaloia sustatzea du helburu txapelketak. "Benjamin, alebin, infantil eta kadete mailako neska-mutilei zuzendutako txapelketa da. Apuntatu eta etorri saskibaloiaz gozatzera!", gaineratu dute.