Umeendako hainbat ekintza Bergaran, abenduaren 12an Gabonetako argiekin hasiko den egitarauan

Mari Domingi eta Olentzero iaz, pandemiak baldintzatutako kalejiran.

Bereziki umeei begirako egitaraua prestatu du Udalak aurten ere Gabonetarako. Abenduaren 15ean hasi eta urtarrilaren 5era arte hainbat ekimen egingo dira. Olentzero eta Mari Domingiri eta Errege Magoei ongi etorria pandemia aurreko baldintzatan egingo dira. Gabonetako argiak abenduaren 12an piztuko dituzte, urtarrilaren 6ra arte, 18:00etatik 21:30era.

Hain zuzen ere, Gabonetako argiak piztearekin emango zaio hasiera Gabonetako egitarauri. Argiotan, aurreko urteekin alderatuta, gutxitu egin dira egunak eta orduak, energia kontsumoa murrizteko. Gabonetako argiak eta apaingarriak alokatu, muntatu eta desmuntatu eta mantentzeko zerbitzuaren kostua da 20.824 eurokoa (BEZ barne).

Honako eremu hauek argiztatuko dituzte:

EREMUAK:
Kaleak eta plazak
Barrenkalea  
Bidekurutzeta  
Artekalea  
San Pedro  
Ibargaraiko biribilgunea
Espoloiko parkea
Domingo Irala kalea
Fraiskozuri plaza 
 
Auzoetarako sarrerak eta beste gune batzuk
Bolua  
San  Lorentzo
Labegaraieta
 
Bergararako sarrerak: Biribilguneak
San Antonio: Biribilgunea eta Jaiotza
San Lorentzo (Eroski-ITV biribilgunea)
 
Beste batzuk
Udaletxeko fatxada
Oxirondo azokako sarrera
Agorrosin kiroldegiko sarrera
Simon Arrieta plazako 2 zuhaitz, Boluko 2 zuhaitz eta Matxiategi kaleko zuhaitz bat bat.

Erakusleiho lehiaketa

Komertzioek izena eman ondoren, abenduaren 13tik 18ra bitartean bozkatu ahal izango dute herritarrek, udal webgunearen bitartez. Abenduaren 20an, 10:00etan egingo da sari banaketa, saritutako merkataritza establezimenduetan.

Abenduaren 24ko azoka, Katabia plazara

San Martin plazan Olentzero eta Mari Domingiri ongi etorria egingo zaienez, abenduaren 24ko merkatu txikia lekuz aldatuko da, Katabia plazara, hain zuzen ere. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.