Binakako txapelketako norgehiagoka jokatuko dute eguenean, Bergarako Udal pilotalekuan. Hala, jaialdia 17:00etan hasiko dute eta lehenengo norgehiagoka Binakako Promozio txapelketakoa izango da. Hor, Salaberriak eta Oier Etxeberriak Expositoren eta Bikuñaren kontra jokatuko dute. Jarraian etorriko da arratsaldeko norgehiagoka garrantzitsua, estelarra. Eskuz Binakako txapelketa barruko lehia izango da eta Lasok eta Imazek Peña II.aren eta Mariezkurrena II.aren kontra jokatuko dute. Bada, oraingoan zaleek ez dute Beñat Rezusta herrikidea bertatik bertara ikusiko, bergararrak hurrengo egunean, egubakoitzean, jokatuko du-eta, Larrainzarren. Eta, arratsaldeko azken partiduan Victor eta Salaverri II.ak Dario eta Arbizu izango dituzte aurrean.
Binakako txapelketako partidua Bergaran, eguenean
Eskuz Binakako txapelketa Bergarara iritsiko da eguenean, hilak 8. Jaialdiko partidu nagusian Lasok eta Imazek Peña II.aren eta Mariezkurrena II.aren kontra jokatuko dute. Sarrerak salgai daude jada, hemen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
