2023ko maiatzeko udal hauteskundeei begira, alkategaia aukeratzeko prozesuan murgilduta dago Bergarako EH Bildu, eta Mahai Politikoak Gorka Artola proposatu du alkategai izateko. Beste hautagairik aurkeztu ezean abenduaren hasieran berretsiko du militantziak Artolaren proposamena.
Bergarako EH Bilduk ohar bidez aditzera eman duenez, Gorka Artolak prestutasuna azaldu du alkate izateko hautagaitzarako aurkezteko eta Mahai Politikoak balorazio oso positiboa egin du agintaldian zehar Artolak eta gobernu talde osoak egin dituzten proiektuez eta oraindik orain egiten ari direnez. Gainera, pandemia garaian herritarrekin eta eragileekin bultzatutako elkarlana nabarmendu du Mahai Politikoak hautagaitza proposatzeko orduan, baita bergararrak herrian hobeto bizitzeko egindako ahalegina ere.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.