Bergaran –Gasteizerako noranzkoan– AP-1 autobideko zirkulazioa bideratu behar izan dute, Lesarriko tunelean sabai zatiak erori direlako. Lekukoek jakinarazi dutenez, ibilgailu bati eragin dio istripuak baina ez da inor zauritu.
16:00ak aldera, luizi baten ondorioz, tuneleko sabai zatiak erori dira errepidera. Ibilgailurik harrapatu ez duten arren, auto batek tuneleko ertza jo du eroritako zatiak saihestu nahian.
Bidegiko teknikariek ingurua ikuskatu eta kalteak aztertu dituzte eta jakinarazi dute berehala hasiko direla konponketarekin. Tunela astelehenean, hilak 14, zabaltzea aurreikusten dute. Bitartean, autobideko trafikoa Maltzagarako norazkoko tuneletik bideratuko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
