10 kilometroko lasterketan, atleten sailean, David Garcia eta Ainara Urrutia izan dira azkarrenak. David Garciak 30:27ko denbora egin du; bigarren Iñigo Alzola arrasatearra sartu da helmugan, 30:45 denborarekin; eta, hirugarren Andoni Gomez bergararra, 30:50 denbora eginda.
Emakumezkoetan, esan bezala, Ainara Urrutia aretxabaletarra izan da azkarrena, 36:18ko denbora behar izan du lasterketak dituen 10 kilometroak egiteko.
Handbike modalitatean Jon Galarraga izan da azkarrena 22:24 denbora eginda. Joseba Azkarate oñatiarra eta Antxintxika taldeko kidea laugarren sailkatu da, 43:24 denbora eginda.
Patinatzaileetan azkarrena Aitor Vacas izan da, 19:45 denborarekin. Emakumezkoetan, aldiz, Amale Mugika pasaiarra, 20:51 denbora eginda.
