Fikziozko filma izan arren, dokumental antropologikoetara hurbiltzen da gehiago. Amraken eta bere ondoan daudenen bizimodua ikusten dugu: non bizi diren, zer egiten duten, estepan bizi den jendearen arazoak eta bertan sortzen diren gatazkak.
Agertzen den guztia modu lasaian, ia deskripzio moduan azaltzen zaigu. Horrela, alde batetik, filma ondo ikusten da, askorik ezagutzen ez dugun gizarte batera hurbiltzen garelako. Baina, beste alde batetik, zuzendariak erabiltzen duen kontatzeko moduari eta sortzen duen gatazka dramatikoari indar eta gatz – agian, teari botatzen diotenaren zati bat– apur bat falta zaio, arruntasunetik irten ahal izateko.