Antxintxika lasterketa egingo dute bihar Bergaran, eta Udalak jakinarazi du horrek eragina izango duela trafikoan.
Hain justu, 15:00etatik 18:30era bitartean, moztuta egongo da Ibargarai kaleko 2 eta 38 zenbakien arteko tartea, palmerako errotondara arte, eta baita Zurradero kalea ere. Are gehiago, Ibargarai kaleko autobus geltokia eta Kataibiakoa ere ez dira erabilgarri egongo; bai, ordea, autobus geltoki nagusia eta IAT Ibilgailuen Azterketa Teknikoko parekoa.
Hala, herritarrei gomendatu diete ordu tarte horretan auto partikularrik ez erabiltzeko, "ezinbestekoa" ez bada, nahiz eta larrialdietarako pasoa bermatuta egongo den.
Lasterketaren ibilbidea
Lasterketan parte hartuko dutenak Ernai kaletik sartuko dira Bergarara: Lizaria, Boni Laskurain, Oxirondo, Herrilagunak, Zurradero, Ibargarai, Ibargaraiko biribilgunean buelta, Ibargarai, Fraiskozuri, Irizar eta Irala.
