Ekitaldia Munibe plazan egingo da zapatuan, 12:00etan, –euria eginez gero Seminarioko patioko karpan–. Hiru elkarteen –Duintasuna, San Joxepe eta Nagusilan– artean adostutako adierazpena irakurriko da; jaia girotzeko, abesti saio bat egingo da eta mokadutxoa eta edatekoa banatuko dira.
Adineko pertsonen eskubideak aldarrikatzeko, 1990eko abenduaren 14an, Nazio Batuek talde horren nazioarteko eguna aldarrikatu zuten. 1991eko urriaren 1ean lehenengo aldiz ospatu zen, eta hortik aurrera, urtero ospatzen da.
Egunaren asmoa da bizitzaren luzapenari eta honek duen balioari buruzko kontzientzia hartzea, gizarte inklusibo, integratzaile eta bidezkoagoak lortzeko lan egiteko beharra erakustea, eta adineko pertsonen bizi-kalitatea hobetzera bideratutako politikak garatzearen garrantziaz gogoeta egitea.