Urriaren 3tik aurrera eman ahal izango dute Alkar Lankidetza Gunea erabiltzeko izena Bergaran edo Debagoienean erroldatutako ekintzaileek, Bergararren Arreta Zerbitzuan eskaera aurkeztuta. UNEDekin egindako hitzarmenari esker, UNEDeko gela bat prest jarri du Udalak. Erabiltzaileek indarrean dauden prezio publikoak ordaindu beharko dituzte, eta ordutegia egoitzak duena izango da.
Espazio honen helburua da bailarako ekintzaileei lanerako espazio partekatua eskaintzea; lankidetzako ekonomia ereduan oinarrituta, hala nola sinergiak lortu, elkarrekin ikasi, harremanak sustatu eta proiektuak nahiz ezagutzak partekatzeko.
Udalak adierazi duenez, lan egiteko moduak eta lanbideak ere aldatzen doaz, eta, askotan, pertsona horiek euren lana garatzeko espazio faltan egoten dira. Hori dela eta, egin sortu dute espazioa: "Lanerako eta elkarlanerako espazioa izango da; izan ere, lanerako plazarekin batera, partekatuko diren espazio eta zerbitzuak ere egongo dira erabiltzaileen eskura".
