Artea eta zientzia batuko dituzte Laboratoriumeko tailer batean

Intsektuak aztertu, eta ilustrazio zientifikoa landuko dute urriaren 1ean eta 2an. Izena museoan eman behar da.

Ilustrazio zientifikoa landuko dute Bergara Artea eta Zientzia uztartuz tailerrean urriaren 1ean eta 2an, Laboratoriumen. 10:00etatik 14:00etara eta 16:00etatik 20:00etara izango da zapatuko saioa eta goizez, berriz, domekakoa.

Intsektuak aztertuko dituzte, entomologoak eta artistak izango balira bezala, eta arte ederretako teknikak erabiliko dituzte horretarako; baita ilustrazio zientifikoa lantzeko kontzeptuak ikasi ere. Horretarako, Carles Puches eta NorArte izango dira irakasle, eta online parte hartzeko aukera ere egongo da.

Tailerraren antolatzaileek, beraz, gerturatzeko gonbidapena egin dute: "Marraztea eta natura erretratatzea gustuko baduzu, ederki gozatuko dugu ikastaro honekin". Izena emateko, museora deitu daiteke, edo, bestela, bertara joan. 12 eurokoa da kostua, eta helduei zuzenduta dago

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.