Auzotarren arabera, "aspalditxo" nabaria zen erabakia aurten iritsi da: "Auzotarrok batzartuta egindako hausnarketan nagusiki, feria bere gain hartuko duen oinordekotzaren falta azpimarratu zen. Landa eremuak biztanle gabe geratzen ari dira; husten ari dira eremu isolatu hauek zerbitzu eta laguntza faltagatik". Azpimarratu dutenez, egun tristeak ari dira izatean auzotarrendako eta feria bizi izan dutenendako.
Hori bai, eskerrak emateko baliatu dute jakinarazpena: "Eskerrak helaraztea besterik ez zaigu geratzen ferian inoiz parte hartu izan duzuenoi, lanean zein eguna pasatzera etortzeko ohiturari eutsi diozuenoi, azokako salerosleei eta musu truk lanera etorritako boluntario guztiei, hedabideei, eta diruz lagundu gaituzuen Hazi fundazioari eta, nola ez, Bergarako eta Azkoitiko herrikideei".
