Udaletik adierazi dute biktimaren eskura jarri dituela bitarteko guztiak: "Erasoa jasan duen emakumearen eskura jarri ditu Udalak dauzkan bitartekoak, eta laguntza eman dio. Emakumeari eta haren ingurukoei elkartasuna adierazi nahi die Udalak. Bergaran ez dugu indarkeriarik onartzen, eta horiek desagerrarazteko lanean jarraitzeko konpromisoa berresten du Udalak, eta bide horretan lagun izan daitezen eskatzen die herritarrei". Atzo, uztailak 11, Osintxun egindako elkarretaratzean hartu zuen parte Udaleko ordezkaritza batek.