Herriko hamabi tabernak hartu dute parte Bedelkarrek antolatutako pintxo lehiaketan: Amilotx, Egon, Erreki, Etxagi, Euxe, Ganbara, Hamaika, Kayak, Sirimiri, Txamonix, Venti eta Zazpi. Bezeroek euren botoa eman ahal izan du lehiaketa egin den egunetan, ostegunean eta ostiralean, euren ustez pintxo onena zein zen esateko. Parte hartu dutenen artean, 100 euroko saria zozketatuko du Bergarako Bedelkar elkarteak.
Tabernetan pintxo lehiaketa eta dendetan udako merkealdiak hasi diren une berean, txarangak ibili dira kalean musika jartzen.
Saridunak
Epaileen erabakiz, hauek dira pintxo lehiaketako irabazleak:
- Sirimiri
- Amilotz
- Zazpi
Botoa eman duten herritarren zozketa astelehenean egingo dute eta irabazleak 100 euro irabaziko ditu Sirimiri tabernan gastatzeko.
