Eguraldiak ez zuen zapuztu Xabi Arrillagaren omenaldia. Euria lagun bazuten ere, Laino skateparkeko aterpean bildu ziren guztiak. 2016an hil zen bergarar musikazale gaztea eta, beste urte batez, Xabi Arrillaga Bengoa gogoan ekimenarekin oroitu dute belaunaldi askotariko ikasleek, Azkaiter Pelox taldeak eta haren lagunak. Eagles eta Bob Marleyren musikak eskaini zituzten.
Atzo arratsaldekoa oso momentu hunkigarria izan zela adierazi du Azkaiter Pelox taldeko Unai Azkaratek. Atzoko egunaren biharamunean hunkituta agertu da oraindik. Halaber, adierazi du Xabi Arrillagaren familiak esker onak besterik ez zituela izan antolatutako omenezko kontzertuagatik.
