Gazte Topagune Sozialistaren aurkezpena egingo dute gaur kartzela zaharrean

Okupazioaren aurkako kanpainaren baitako hitzaldia.

Durangon uztailaren 20tik 24ra izango den topaketa azalduko dute Bergarako kartzela zaharrean, 19:30ean hasita. Atzo Oñatin ere egin zuten aurkezpen txiki bat.

Gazte Koordinadora Sozialistak eta Ikasle Abertzaleek deituta, Gazte Topagune Sozialistaren baitako ekitaldiak egingo dituzte Durangon hileko laugarren asteburuan. Horren berri emateko asmoz, Debabarren eta Debagoien mailako hitzordua antolatu dute gaurko, 5 euroko prezioagatik. Parrillada eginda emango diote hasiera, 19:30ean, eta segidan aurkeztuko dute asteburu horretarako eskaintza, "jendea motibatu eta bertara joatera animatzeko". Amaitzeko, Tiro, Rude Ska eta Elvis Cainoren musikak girotuko du kartzela zaharreko aretoa. 

Bestalde, atzo ere egin zuten ekitaldi xume bat, Oñatin, helburu berarekin, pintxo-potean zehar kontzertu bat antolatuta.

"Hausnarketa politikorako eta komunitate politikoa indartzeko espazioa" izango da Gazte Topagune Sozialista, eta bertara joateko sarrerak salgai daude jadanik gks.eus webgunean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.