Larrialdi zerbitzuek istripua gertatu zen lekuan artatu zuten gaztea, eta ondoren, Donostiako ospitalera eroan oso larri. Han hil da gaztea. Ertzaintzak ikerketa abian du istripuaren arrazoiak argitzeko.
Lekuko batek azaldu duenez, Arrasaterako noranzkoan, furgoneta bat kamioi bat aurreratzen ari zen. Furgonetaren ostean, motorrak ekin zion kamioia aurreratzeari, baina oraindik furgoneta aurreratze lanetan ari zen eta motor gidariak frenatu egin zuen. Hain zuzen ere, lekukoaren arabera, frenatzeak eragin zuen motorrak "kontrola galtzea" eta hesiaren kontra jotzea. Lekukoak gaineratu du ez zela talkarik egon furgonetaren eta motorraren artean.
Gipuzkoako errepideetan hil den zortzigarrena da, horietatik lau ziren motor gidariak.