85. San Antonio Saria erlojupeko lasterketa jokatu zuten domeka arratsaldean, kadeteek, Bergara eta Antzuola artean, eta Eñaut Urcaregui, Auritz Mendia eta Ander Gonzalez izan ziren azkarrenak. Lasterketaren antolatzaile zen Lokatza taldeko lagunek Pello Garitano izan zuten gogoan "Lokatzagatik egindako danagatik", erlojupekoari ekin aurretik.
Gipuzkoako kadete mailako erlojupeko txapelketak 7,2 kilometrotako ibilbidea izan zuen. Elkartutako 70 bat txirrindularik banan-banan egin zuten Antzuolara joan-etorria, San Antonion hasi, AVIA gasolindegitik jarraitu eta Antzuolara iritsi ostean buelta erdia hartuta.
Denborarik onena Danena kirol elkarteko Eñaut Urcareguik egin zuen: 10 minutu eta 35 segundo. Haren atzetik geratu ziren Caja Rural-Ikolan-Beasain taldeko Auritz Mendia eta Ander Gonzalez, lehenengoak baino hamahiru segundo gehiago eginda.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak