Bergarako Musika Eskolako hiru taldek datozen bi egunetan kontzertuak emango dituzte. Bihar, ekainak 15, 19:00etan, Mariaren Lagundian, aurten sortutako helduen taldeak eta biolontxelo ikasleek egingo dute kontzertua. Eguenean, berriz, Dantzaz beteriko gaua ikuskizuna eskainiko dute dantza ikasleak, 19:30ean, San Martin plazan.
Bihar, helduen taldearen eta biolontxelo ikasleen kontzertuak
Aurten sortu den helduen taldea izango da ekitaldiei hasiera emango diena. Xabier Torresek zuzenduta, besteak beste, Benito Lertxundiren Gure bide galduak eta John Lennonen eta Paul McCartneyren She loves you abestiak joko dituzte. Bigarren txanda biolontxelo ikasleena izango da. Bertan, Izaro Irizar, Ainhoa Gonzalez eta Maddi Gabilondo ikasleek eurek ikasitako hainbat doinu joko dituzte.
Eguenean, dantzarien txanda
Azkenik, eguenean, Uxue Garitanok, Olai Rodriguezek eta Bergarako Musika Eskolako hari taldeak, Maider Zapirainek zuzenduta, Antonio Vivaldiren Concerto for Two Cellos in G menor. I. Allegro ikuskizuna dantzatuko dute. Ekitaldi hori 19:30ean hasiko da, San Martin plazan.
