Bergara Kirol Elkarteko saskibaloi sailak hiruko (3x3) saskibaloi txapelketa antolatu du ekainaren 25erako eta 26rako. Aurtengoa ekitaldiaren hamalaugarren edizioa izango da, eta San Martin Agirre plazan jokatuko da, euria egin ezean; euria bada, berriz, udal pilotalekuan jokatuko da txapelketa.
Sei mailatan banatuta
Elkarteak azaldu duenez, txapelketa sei mailatan banatu dute. Zapatuan jokatuko dira lau mailatako partidak eta domekan gainontzekoak. Honako hau da egutegia eta maila bakoitzari dagozkion sariak:
- Ekainak 25, larunbata:
- Goizez:
- Infantilak: irabazleentzat 50 euroko saria eta bigarren sailkatuarentzat trofeoa.
- Kadeteak: irabazleentzat 75 euroko saria eta bigarren sailkatuarentzat trofeoa.
- Arratsaldez:
- Juniorrak: irabazleentzat 100 euroko saria eta trofeoa eta bigarren sailkatuarentzat trofeoa.
- Senior kuadrillak: irabazleentzat 120 euroko saria eta trofeoa eta bigarren sailkatuarentzat afari baterako bonua eta trofeoa.
- Goizez:
- Ekainak 26, igandea:
- Benjaminak: irabazleentzat 30 euroko saria eta bigarren sailkatuarentzat trofeoa.
- Alebinak: irabazleentzat 40 euroko saria eta bigarren sailkatuarentzat trofeoa.
Helburua, saskibaloia sustatzea
Txapelketaren helburua, elkartearen arabera, "saskibaloia sustatzea da, batez ere, adin txikiko neska-mutilengan". Horrekin batera, adierazi dute urteak pasa ahala txapelketaren maila pixkanaka gorantz egiten ari dela.
Izen-ematea, telematikoki
Bergara Kirol Elkarteko saskibaloi sailak Euskal Herriko gune ezberdinetako herritarrak animatu nahi ditu txapelketan parte hartzera. Telematikoki izena emateko aukera egongo da, Instagrameko honako kontu honetan: @bergara_saskibaloia. Epea hilaren 23a izango da.
