Beste urte batez, lau genero-multzotako lanak aurkeztu ahal izan dituzte parte hartzaileek, eta bakoitza adin taldeka bereizita dauden kategorietan banatu da.
Ipuin-idatzietan, lehenengo eta bigarren kategorietan saridunen artean ez da postuen bereizketarik egin. Alde batetik, Lea Alberdiren, Ekhi Irizarren eta Anouk Izagirreren lanak saritu dituzte; bestetik, Aimar Arzelusena, Elene Contrerasena eta Garazi Eizmendirena.
Laugarren kategorian, irabazlea Maite Errasti izan da, Lagun bereziak izeneko ipuinarekin. Julen Badiolak eta Gorka Morenok eskuratu dituzte bigarren eta hirugarren sariak. Poesian, Libe Ugartek lortu du lehen saria, Ur azpian idatziarekin.
12:00etan, Seminarixoan eta Interneten
Eguerdiko hamabietan emango dituzte 37. Koldo Eleizalde lehiaketako sariak, Seminarixoan. Aretoa beteta dago, baina, zuzenean, streaming bidez jarraitu ahal izango da ekitaldia. Bergarako Udalaren Youtubeko kanaletik.