Hurrengo asteko asteartean, hilak 14, eta ostegunean, 16, 16:30etik 18:00etara burutuko da Bergarako San Joxepe adineko elkarteak Osakidetzarekin eta Bergarako Udalarekin batera adineko pertsonen erorketak saihesteko eta hauen arrisku zein larritasunak ekidin eta osatzeko ekimena, Agorrosingo kirolgunean.
Zaurien prebentzioa landuko da hainbat ariketarekin
Eskainiko diren bi saioetan, batez ere, erorketaren arriskuak aztertu eta ekiditeko zahartze-prozesua azalduko da, osasun azterketak egingo dira, elikagai eta janzkera egokiaren garrantzia aipatuko da, jarduera fisiko eta teleasistentziaren onurak zabalduko dira eta ortopedia landuko da hainbat ariketa eta elementuren bidez.
Tailerra egin dutenek aipatu dutenez, "oso interesgarria da", eta antolakuntzatik aditzera eman dute gehienez 20 pertsonako kopurua bete nahi dutela.